Lire & RéCréer - le P'tit Quinquin - Berceuse d'Alexandre Desrousseaux l' Canchon dormoire
d'Alexandre Desrousseaux (1820 - 1892)
le P'tit Quinquin
  Chanteur : Raoul de Godewaersvelde

D
ors min p'tit Quinquin, min p'tit pouchin, min gros rojin.
Te m' fras du chagrin si te n' dors point ch' qu'à d'main.


Ainsi l'aut' jour, eun pauv' dintelière,
En amiclotant sin p'tit garchon
Qui d'puis tros quarts d'heure, n'faijot que d'braire,
Tâchot d' l'indormir par eun' canchon.
Ell' li dijot, min Narcisse,
D'main t'aras du pain d'épice,
Du chuc à gogo,
Si qu' t'es sache et qu' te fais dodo.
Au Refrain

Nous irons dins l'cour Jeannette-à-Vaques,
Vir les marionnett's. Comme te riras,
Quinque t'intindras dire : un doux pou' Jacques
Pà l'porichinel' qui parl' magas.
Te li mettra din s'menotte,
Au lieu d'doupe, un rond d'carotte,
Y t'dira merci !
Pins' comme nous arons du plaiji' !
Au Refrain

Allons serr' tes yeux, dors min bonhomme.
J' vas dire eun' prière à P'tit-Jésus
Pou' qui vienne ichi, pindint tin somme,
T' fair' rêver qu' j'ai les mains pleines d'écus,
Pour qu'i t'apporte eun' coquille,
Avec du chirop qui guile
Tout l' long d' tin minton
Te t' pourlèqu'ras tros heur's ed' long !
Au Refrain
 

Je remercie Corinne, webmestre du site Miely, qui m'a autorisée à utiliser le fichier MP3 du P'tit Quinquin. Ci-dessus, il n'y a pas toutes les paroles de
cette magnifique berceuse Ch'ti. Pour la chanter entièrement, pour connaître son auteur, ses origines, le Nord, les Ch'tits, allez chez Corinne,
ICI

  Illustration originale : 3 mai 2006 © Benjamin Michaud
Mise en page :
© Catherine Bastère-Rainotti

Veux-tu chanter une autre chanson ?